Huomaa Seenitaitemuseon / Scenkonstmuseet  

Seenitaitemuseo oon valtiolinen museo musikille, teatterille ja tansile. Museolla sie kohtaat seenitaitheen histuurian ja nykyaijan. Täälä seenivaatheet, musikki-instrymentit ja alkuperäset käsikirjotukset oon interaktiivitten asemitten ja ylheistaitheen seurassa.

Seenitaitemuseo oon kauhniissa Kronopaakeriissa/Kronobageriet jollako oon juuret 1600-luvulta. Huohneita oon ennen käytetty paakerinna, aseförotinna ja paloviinavarastonna. Talo oon yks Pohjoseuroopan vanhiimista säilytetyisyä teolisuusrakenuksista ja oon yhtä tärkeä osa museokäynistä ko meän esihneet ja instalasuunit.

Met kuuluma virasthoon Valtion musikkilaitos/Statens musikverk joka oon kultturiteparttementin alanen.

50 000 esinettä – mailmanlaatunen kokoelma

Seenitaitemuseolla oon laaja kokoelma jossako oon kohta 50 000 esinettä. Sielä oon muun muassa instrymenttiä, senokrafiimallia, teatteritokkia, vaatheita ja kuvataitetta. Meän instrymenttikokoelma oon yks mailman suuriimista ja siinä oon yli 6000 esinettä, vanhiimat varhaiselta 1600-luvulta.

Monet museon esihneistä mennee nähhä Seenitaitemuseolla mutta suuriin osa säilytethään yhessä museovarastossa. Meän intententit oon jatkuvasti töissä säilyttämässä, tokymenteeraamassa ja antamassa tukea tutkimukselle.

Jos sie halvaat käyä kokoelmaa kattomassa elikkä saahmaan yhtheyttä meän intententitten kansa sie saatat meilata samling@scenkonstmuseet.se