Scenkonst museum tano jekh državno museum baš i muzika, teater hem dans. Ko museum šaj te arakhe i historia hem avdisutno vakti kotar umetničko scena. Akate arakhaja o kostimija, muzičko instrumentija hem originalna skriptija ko interaktivna stanice hem avera umetnička delija.

Scenkonst museum tano ko Kronobageriet kova tano kotar 1600^to berš. O lokalija angljeder hine pekara, oružara hem podrum baš i rakija. Akava čher tano maškaro najarakhlje industriska čhera ki upruni Evropa hem but tano važno delo ked aveja te posetine amaro mueseum.

Amen hijam inkludirime ki institucia Statens musikverk so čerela buti talo kulturakoro departamenti.

50 000 objektija – jekh kolekcia ki top klasa

Scenkonst museum isi olje kolekcia kotar 50 000 objektija. Akate isi instrumentija, scenografiska modelija, teater lutke, kostimija hem avera umetnička delija. Amari instrument kolekcia tani jekh kotar najbare ko sveto hem isi ola 6000 objektija, kaj najpurane tane kotar 1600^to berš.

But objektija ko museum šaj te dikhe, ama hem but objektija tane ko lager so isi ko museum. Amare manuša so čerena buti ko museum svako dive aktivno čerena buti ko arhive so isi, ko dokumentacije hem isi pana avera podrške.

Ako mangeja te ave ko kontakti amencar pisin amenđe ki amari e-mail adresa samling@scenkonstmuseet.se