Fuomáš Lávdedáiddamusea / Scenkonstmuseet

Lávdedáiddamusea lea musihka, teáhtera ja dánssa stáhtalaš musea. Museas deaivvadat lávdedáidaga historjjáin ja dálááiggiin. Dáppe oainnát sihke lávdebiktasiid, čuojanasaid, originálagiehtačállosiid ja maiddái interaktiiva stašuvnnaid ja máŋggabealat dáidagiid.

Lávdedáiddamusea lea čáppa Kronobageriijas mii muittuha 1600-logu. Báiki lea ovdal leamaš láibbohat, vearjovuorká ja buollinviinnavuorká. Viessu lea okta Davvi-Eurohpá boarrásamos seailluhuvvon industriijaásahus ja lea guossástallamis seammá dehálaš oassi museas go min dávvirat ja huksehusat.

Mii leat oassin Stáhta musihkkadoaimmahagas mii sirrejuvvo kulturdepartementii.

50 000 dávvira – čoakkáldat njunnošis

Lavdedáiddamuseas lea viiddes čoakkáldat mas leat lagabui 50 000 dávvira. Doppe gávnnat earret eará čuojanasaid, lávdehábmenmállii, teáhterdohkáid, lávdebiktasiid ja govvadáidagiid. Min čuojanasčoakkáldagas leat 6000 dávvira ja lea okta máilmmi stuorámusain, mas boarrásamosat bohtet 1600-logus.

Lea vejolaš oaidnit ollu musea dávvirii Lávdedáiddamuseas, muhto stuorámus oassi vurkejuvvojit museavuorkkás. Min intendeanttat barget bissovaččat seailluhemiin, dokumenteremiin ja dutkan doarjumiin.

Jus háliidat galledit min čoakkáldaga dahje váldit oktavuođa muhtin min intendeanttaiguin de sáhtát sáddet dieđu samling@scenkonstmuseet.se